Ki zama mai maida al'amuranki ga sarki Allah, shine ya zama gatanki majubincin al'amuranki, in kikai haka kin tsira daga zuwa wajen bokaye da yan duba dan kulla makirci. Ki kasance mai yadda da qaddara domin kuwa tuntuni Allah ya hukunta zaku zauna karkashin miji daya.
Ki sanya wa ranki cewar mijinki yayi riko ne da sunnar Annabi SAW. Ki zama mai hakuri saboda Allah, ba mai hakurin tilas ba. Karki takurawa mijinki akan abubuwan al'ada kamar kayan fadar kishiya da kayan gyaran daki.
Karki kuskura ki yarda da zugar kawaye, yan uwa ko kuma iyaye Wadanda zasu umarceki da ki tada hayaniya ga mijinki ko kuma kishiyartaki, ki sani cewa mutuncinki da kimarki zasu zube a idanunsu.
Ki dauka kishiyarki yar uwarki ce abokiyar zamanki ce wajen taimakawa maigidanku yadda zai tafida rayuwa da harkokinsa baki daya. Ki kasance mai bata shawara ta gari wajen sha'anin zamantakewar aure, ku zama masu biyayya ga mijinku matuqar bai sabawa umarnin ubangijiba.
Idan kika aikata haka yake yar uwata zaki shiga cikin sahun mata nagari wadanda sakamakonsu shine aljanna.
0 comments:
Post a Comment
pls drop down your comment......
dan Allah ku ajiye comment.